YLANAN

Tick Tock. Tick Tock. Tingin sa kaliwa. Wala. Tingin sa kanan. Wala pa din. Tick Tock. Di na mapakali ang pwet niya sa pagkakaupo sa semento. Tayo. Lingon. Upo. Tick Tock. Nagkamot ng ulo sabay kinapa ang bawat bulsa ng nangungupas niyang pantalon. Dumukot ng isang istik ng yosi at lighter. Tick Tock. Taktak. Sindi. Hithit. Buga. Tick Tock. Sumipol ng paborito niyang kanta kasabay ng pagpadyak-padyak ng kanyang mga paa. Hithit. Buga. Tick Tock. Nananakit na ang kanyang leeg sa kakalingon. Lingon sa kaliwa. Lingon sa kanan. Sinulyapan ang oras sa kanyang relo. Tick Tock. Hinanap niya ang cellphone sa dala-dalang bag. Menu. Messages. Write. Nagpipindot. Message Sent. Taktak. Hithit. Buga. Tick Tock. Pasipol-sipol. Papadyak-padyak. Lingon. Hithit. Buga. Tick Tock. Tick Tock. Tayo. Lingon. Pindot. Pindot. Taktak. Hithit. Buga. Lingon. Tick Tock. Message Sent. Nagpapadyak. Lingon. Lingon pa. Lingon lang ng lingon. Tick Tock. Hithit. Buga. Tayo. Lingon. Lingon. Hithit. Buga.
Pindot. Pindot. Taktak. Hithit. Buga. Lingon. Lingon.Tick Tock. Tick Tock.
Check Op...
Tick Tock...
Tick Tock...
Tick Tock. Pinatay niya ang nagbabaga pang filter sa semento. Tingin sa kaliwa. Wala. Tingin sa kanan. Wala na. Buntong-hininga.

[akda ko para sa MP10 workshop #1...ok naman ang naging diskusyon namin sa workshop]

-----------------------

Napanood ko nga pala ang Phantom of the Opera. Nagandahan naman ako.
Lalo na sa Musical Score. Galing.

-----------------------

Sa next post na ko magkukuwento tungkol sa mga masasayang kaganapan sa mga nakalipas na araw at gabi kasi 8:00 am pa lang at kakauwi ko pa lang mula kina aryan.
Mamayang 9 ay aalis pa ako para sa shooting ng report namin.:]

[this is all i ask of you]